Mbrojtësi i krahut të majtë, Erjon Hoxhallari ka rinovuar kontratën me bardheblutë. Edhe për dy vitet e ardhshëm ai do të jetë pjesë e 24-herë kampionëve të vendit. Hoxhallari ka qenë një ndër të preferuarit e trajnerëve të sezonit të shkuar te Tirana, ku është aktivizuar në pothuajse të gjitha takimet.
Rinovimi i Hoxhallarit vjen pas atij të Edvan Bakajt dhe Dorian Kërçikut, ndërsa stafi teknik tashmë ndihen më të qetë që kanë siguruar shërbimet e të riut të dalë nga akademia e Tiranës. Njoftimin e ka bërë faqja zyrtare e Tiranës në “facebook”, të cilët e vlerësojnë mbrojtësin si një nga investimet më të vlefshme për të ardhmen në këtë skuadër.
