Pas humbjes së pësuar ndaj Kolumbisë në ditën e parë, amerikanëve ju duhej tri pikëshi ndaj Kosta Rikës. Djemtë e Klinsman ja dolën duke dhuruar spektakël e duke fiksuar rezultatin 4-0. Dempsey, Wood, Zusi dhe bashkëlojtari i Gashit të Rapids, Jones, ishin autorët e golave.
Në takimin tjetër, Kolumbia siguroi kualifikimin për në çerekfinale duke mundur 2-1 Paraguajin me gola të sulmuesit të Milanit, Bacca dhe madrilenit James Rodriguez. Për Paraguajin shënoi Ayala ndërsa duhet thënë se këta të fundit bënë gjithçka për të barazuar rezultatin por pa sukses.
