Federata Shqiptare e Futbollit organizoi sot një event me gazetarë, tifozë dhe njerëz të futbollit për emancipimin e tifozëve në shkallët e stadiumit. Madje ky event është krijuar edhe në rrjetin social facebook, për të pasur një përfshirje të gjerë të futbolldashësve në Shqipëri. Pikërisht këtu ka shkruar kryetari i Guerrilsave të Partizanit, Eraldi, i cili ka një mesazh për FSHF-në:
“Emancipimi fillon nga trukimi qe eshte ul kembkryq ne futbollin tuaj, policia , gjykimet arbitrimet e cuditshme , favorizimet e tuaja aty ketu, paracaktimi i kampionateve , nga korrupsioni te moshat dhe jo vetem , nga dallaverishtet ne kombtaret e moshave e deri te komercializimi monstruoz i kombtares. Etj etj … pastaj merruni me emancipimin e tifozeve qe pavaresisht sharjeve e ofendimeve (qe jane krejt problem subjektiv ), jane e vetmja e vertete e ketij sistemi te degjeneruar te futbollit qe keni krijuar …”, përfundon në mesazhin e tij, kryetifozi i kuq.