Barcelona ecën gjithnë e më e sigurt drjet titullit kampion në La Liga teksa është plot 10 pikë larg Real Madrid të vendit të dytë. Mirëpo, eleminimi nga Championsi dhe sëfundmi Europa League ka lënë një shije të hidhur te katalanasit. Për këtë, kanë nisur edhe kritikat nga tifozët kundrejt ekipit dhe trajnerit Xavi.
“Ndjehem i gjykuar dhe i kritikuar në mënyrë konstante. Është e vështirë sepse edhe unë kam një familje dhe një fëmijë, janë disa momente që rroga si trajner i Barcelonës nuk i justifikon të tilla fjalë. Unë e ndjej edhe pak më shumë pasi jam një tifoz i Barcelonës.
Është shumë e vështirë kur të thonë se nuk je i zoti dhe që nuk ke personalitet. Ndonjëherë nuk bie dakord me kritikat, këtu te Barcelona kam përjetuar ditët më të vështira të jetës. Ka raste që dyshoj nëse ia vlen të qëndroj, unë nuk qëndroj për arsye financiare te Barcelona. Por, unë jam i Barcelonës dhe kam si qëllim vetëm që të ndihmoj skuadrën”, u shpreh Xavi.
