Kanë mjaftuar vetëm pak javë, që Kristal Abazaj të kthehet në një ndër lojtarët kryesorë te ekipi i Luftëtarit nën drejtimin e trajnerit Mladen Milinkoviç. Ai është transferuar në fillim të sezonit nga Elbasani dhe sot di të bëjë shumë mirë rolin e titullarit të bluzinjtë.
Në takimin ndaj Partizanit, Abazaj ka shënuar golin e dytë, kjo ka bërë që ai të vihet në qendër të vëmendjes nga të gjithë. Ai ka tërhequr vëmendjen e shumë ekipeve, por shfaq besimin te Luftëtari duke mos menduar asgjë tjetër.
Edhe Luftëtari po ecën mirë, Abazaj mendon se duhet të qëndrojnë me këmbë në tokë, duke thënë: “Nuk mund të themi se Europa është objektiv. Duam të sigurojmë sa më shpejt të jetë e mundur dhe më pas duhet të mendojmë për objektiva të tjera”, ka thënë Abazaj.
Lexo gjithashtu
