Disa prej klubeve më të mëdha në Europë ka vendosur të krijojnë një kampionat më vete duke sjell më shumë të ardhura. Ekipet "BIG" kërkojnë që ky kampionat të jetë I mbyllur dhe të përballen vetëm ekipet më të mira duke përfituar kështu të ardhura të shumta. UEFA ka reaguar sërish për këtë vendim dhe ka kërcënuar klubet se çdo ekipe që do të marrë pjesë në këtë kampionat do të përjashtohen nga çdo kampionat dhe lojtarët nuk do të luajnë ekipet Kombëtare.
Postimi i UEFA-s
"UEFA, Federata Angleze e Futbollit e Premier League, Federata Spanjolle e Futbollit e La Liga, Federata Italiane e Futbollit dhe Lega Serie A, kanë mësuar se disa klube angleze, spanjolle dhe italiane mund të synojnë të organizojnë një ligë të mbyllur të quajtur Super League.
Nëse kjo të ndodhë, ne përsërisim se të gjithë bashke, edhe me FIFA-n dhe federatat tona anëtare, do të qëndrojnë të bashkuar për të ndaluar këtë projekt cinik, që bazohet në interesin personal të disa klubeve në një kohë kur shoqëria më shumë se kurrë ka nevojë për solidaritet. Në do të shqyrtojmë të gjitha masat, në të gjitha nivelet, në aspektin sportiv dhe ligjor, në mënyrë që të parandalojmë që kjo të ndodhë. Futbolli bazohet në gara të hapura dhe merita sportive, nuk mund të jetë ndryshe.
Siç është njoftuar më parë nga FIFA, klubet që marrin pjesë do të ndalohen të luajnë në çdo garë të nivelit kombëtar, europian dhe global, si dhe lojtarëve të tyre mund t'u mohohet mundësia të përfaqësojnë ekipet e tyre kombëtare. Falënderojmë klubet nga vendet e tjera, veçanërisht klubet franceze dhe gjermane, që kanë refuzuar të bëhen pjesë në turne. Kërkojmë nga të gjithë dashamirët e futbollit, tifozët dhe politikanët që të bashkohen me ne në luftën kundër një projekti të tillë, nëse shpallet".
Lexo gjithashtu
