Ish-kryebashkiaku i PS dhe ish-presidenti i Flamurtarit, Shpëtim Gjika ka reaguar pasi u bë me dije se kreu i Urgjencës Kombëtare, Skënder Brataj, ka rezultuar pozitiv me koronavirus.
Gjika shkruan se mezi ka pritur rastin që ta takojë për ta falendeuar për gjithçka ka bërë në këtë situatë të vështirë për të gjithë ne por fatkeqësisht sot u njoh me lajmin e trishtë.
“Për fat të keq, u njoha me lajmin që sot, duke qenë në ballë, Ju Doktor, jeni plagosur në betejën ndaj covid-19. Me mirënjohje dhe respekt të thellë, ju jam shpirtërisht pranë i dashur bashkëpatrioti im vlonjat”, shkruan Gjika.
Postimi i Gjikës:
I dashur dr.Skënder Brataj!
Mezi ç’prisja rastin, që, edhe pse nuk njihemi nga afër, të mundja t’Ju takoja
për t’Ju falenderuar dhe shprehur gjithë mirënjohjen time, për gjithçka Ju keni
bërë në këtë situatë të vështirë për të gjithë ne!
Për fat të keq, u njoha me lajmin që sot, duke qenë në ballë, Ju Doktor, jeni plagosur në betejën ndaj covid-19!
Ju uroj me shpirt ta kaloni sa më lehtë dhe shërim sa më të shpejtë për të mirën Tuaj dhe familjes Tuaj, por pse jo, me bindje të plotë, edhe për të mirën e të gjithëve.
Me mirënjohje dhe respekt të thellë, ju jam shpirtërisht pranë i dashur bashkëpatrioti im vlonjat, Doktor Skënder Brataj!
Loading ...
