Suhareka e drejtuar nga Shpëtim Duro ka luajtur ditën e sotme përballë Dukagjinit. Sfida e vlefshme për javën e dytë të Superligës së Kosovës, përfundoi me rezultatin 3-1 në favor të Suharekës.
Pjesa e parë përfundoi 0-0, teksa golat u shënuan të gjithë në fraksionin e dytë. Suhareka gjeti golin me Zekën në minutën e 50-të, ndërsa vetëm 8 minuta më vonë, Dukagjini i Ismet Munishit barazoi me Hekuran Berishën.
Vendasit nuk u dorëzuan, teksa rikthyen avantazhin në minutën e 69-të. Ishte Jakup Berisha që rikaloi në avantazh Suharekën, duke dërguar shifrat në 2-1. Për golin e 3-të që vulosi sfidën, mendoi përsëri Mevlan Zeka që nuk gaboi nga 11-metërshi.
Suhareka shkon kështu në vendin e parë me 4 pikë, pasi ekipi i Shpëtim Duros barazoi në javën startuese të kampionatit. Në krahun tjetër, Ismet Munishi dhe ekipi i tij “fiken” përsëri pas humbjes që morën ndaj Ballkanit.
Lexo gjithashtu
