Kombëtarja U-15 e Shqipërisë do të grumbullohet sot në resortin “Tropikal” në Durrës.
Trajneri i skuadrës përfaqësuese U-15, Eqerem Memushaj ka zbardhur sot para mediave, lsitën me futbollistët që ka grumbulluar.
Prej disa muajsh, Memushaj së bashku me grupin e punës dhe me një koordinim të plotë të Sektorit të Ekipeve Kombëtare në FSHF ka qenë afër seleksionimeve në të gjitha zonat e Shqipërisë dhe në përfundim të këtij procesi sot bëri me dije edhe 21 të përzgjedhurit e parë për këtë grumbullim të tijin të parë.
Në njoftimin e bërë në faqen zyrtare të FSHF-së bëhet me dije se ky nuk do të jetë seleksionimi i vetmi, pasi në qershor do të ketë sërish një të dytë dhe akoma më tej.
Sipas trajnerit të këtij ekipi kombëtar kjo është një moshë kolauduese teksa do të vijojnë sërish fazat e tjera të grumbullimeve ku do të shikohen edhe futbollistë të tjerë.
Në këtë stejxh disa-ditor, Memushaj ka planifikuar edhe takime miqësore në një kohë që ky filtër i parë i futbollistëve të grumbulluar ka një shtrirje të skuadrave si: Tirana, Flamurtari, Shkodra, Vllaznia B, Skënderbeu, Akademia, Partizani, Teuta si dhe ekipe të tjera.
Njëherësh Memushaj i kërkoi nëpërmjet kësaj daljeje publike, të gjithë trajnerëve që punojnë me këto mosha që të shtojnë predispozicionin për përgatitjen stërvitore për këto mosha.
Lexo gjithashtu
