Matthijs De Ligt nmë një prononcim të dhënë për mediat është shprehur se ende nuk e ka vendosur të ardhmen e tij dhe se nuk është i sigurt nëse do të shkojë tek Barcelona.
"Nuk është ende momenti për të folur në lidhje me të ardhmen time. Nuk e di nëse do të shkoj së bashku me De Jong tek Barcelona. Më duhet që ende të analizoj mirë situatën dhe ofertat që më vijnë. Do të shohim se çfarë do të ndodhë dhe ku do të jem në fundin e verës. Tani për tani nuk ka asnjë akord", është shprehur De Ligt.
Në këto kushte, tashmë mund të themi se është hapur një garë shumë interesante në klubet e mëdha europiane, pasi të gjitha duan që ta kenë mbrojtësin pjesë e skuadrës. Juventusi, Manchester United, Real Madrid, apo edhe Barcelona janë interesuar për të. GJithçka mbetet për t'u parë në merkaton e verës.
Lexo gjithashtu
