Festa është e gjitha është legjitime te Vora. Këto të fundit për herë të parë siguruan ngjitjen në Superiore. Fitorja me Burrelin me shifrat 2-0 ditën e sotme, u siguroi matematikisht ngjitjen në Superiore, teksa tashmë kanë fituar edhe titullin e Kategorisë së Parë, ku 2 ndeshjet e mbetura janë vetëm për statistikë, pasi diferenca me Flamurtarin e vendit të dytë është 7 pikë.
Një sukses i jashtëzakonshëm për ekipin e Arjan Bellait. Pikërisht ky i fundit nuk mund t’i shpëtonte festës edhe pse ishte duke dhënë deklaratën e tij për “RTSH Sport” pas sfidës. Lojtarët të gjithë në grup iu bashkuan trajnerit të tyre.
Ata e ngritën larg dhe festa për ta nuk ndalonte, teksa trajneri u lagë me ujë nga futbollistët. Trajneri, futbollistët dhe të gjithë stafi sot janë në “qiellin e shtatë”. Një sukses i madh nga kjo skuadër, me futbollistët që shënuan kështu me “gërma të arta” emrat e tyre në historinë e futbollit shqiptarë.
Lexo gjithashtu
