Ndeshja e shtyrë Iliria – Skënderbeu e vlefshme për javën e 14-të të Kategorisë së Parë do të zhvillohet ditën e sotme. Ekipet do të zbresin në fushë dhe mes tyre do të bëjnë llogaritë e fitores.
Një takim shumë i luftuar mes dy ekipet që do të zhvillohet në fushë asnjanëse. Kjo për shkak se skuadra e Ilirisë është dënuar për situatën e ndodhur në “Redi Maloku”.
Komisioni i Disiplinës dhe Etikës pranë FSHF-së ka vendosur që të gjitha ndeshjet e mbetura të këtij sezonit do të duhet t’i zhvillojë në fushë asnjanëse dhe kjo sfidë do të luhet në “Elbasan Arena”, duke nisur që nga ora 13:30. Gjithashtu në këtë përballje klubi i Ilirisë nuk do të ketë as mbështetjen e tifozëve, pasi sfida do të zhvillohet me dyer te mbyllura.
