Dje në prag të ndeshjes Bylis-Elbasani, për mikrofonat e MCN TV folën presidenti i Elbasanit, Kujtim Llupa dhe kryebashkiaku Gledian Llatja. Të dy këta u shprehën të sigurt që me rikthimin në Superiore do t’i mposhtin të gjithë.
“Nuk mendoj që të shkojmë si vizitorë në Superiore. Stemat e rënda të Superiore duhet të bëjnë kujdes nga ne. Elita është muzikë tjetër, por unë marr vesh nga muzika sepse kam qenë artisti dikur. Besoj se në Superiore do të mund miqtë e mi më të afërt”, tha presidenti Llupa.
Më pas, pa hezituar aspak, kryebashkiaku thekson se do t’i mundin të gjithë. I pyetur nëse këtu bëjnë pjesë edhe Tirana me Partizanin, kryetari Llatja shprehet i sigurt që të gjithë do të mposhten nga Elbasani.
“Të gjithë do i mundim, të gjithë. Tiranën, Partizanin, të gjithë. E kemi treguar që jemi luftëtarë, topi është top, por ne gjithmonë fitojmë”, u shpreh kryebashkiaku.
Lexo gjithashtu
