Karim Benzema ditën e sotme ka folur si lojtar i Al-Ittihad. Sulmuesi gjatë fjalës së tij ka theksuar se është gati për sfidën e re dhe se mezi pret të fitojë trofe me këtë skuadër.
Ndër të tjera ka treguar se çfarë i ka thënë miku i tij, Ronaldo për kampionatin arab.
“Mezi pres të përjetoj nëj ligë të re në një vend të ri. Al Ittihad ka një histori të jashtëzakonshme, tifozë tepër pasionantë dhe ambice të mëdha futbolli për t’u bërë një forcë në Azi. Kam pasur shansin për të arritur gjëra të jashtëzakonshme në karrierën time dhe për të arritur gjithçka që mund në Spanjë dhe në Europë.
Mendoj se ka ardhur koha për një sfidë të re, për të realizuar një projekt të ri. Sa herë që kam vizituar Arabinë Saudite, gjithmonë kam ndjerë ngrohtësi dhe dashuri nga tifozët dhe njerëzit. Mezi pres të bashkohem me shokët e mi të rinj të ekipit.
Është një sfidë e re për mua, një jetë e re dhe mezi pres të filloj stërvitjen. Do të bëj gjithçka për të fituar trofe, për të shënuar, për të treguar talentin tim, për të kënaqur tifozët, klubin, presidentin, të gjithë. Është një ligë e mirë dhe ka shumë lojtarë të mirë.
Cristiano Ronaldo ndodhet aty tashmë, një mik që më tregoi se Arabia Saudite po fillon të rritet. Unë jam këtu për të fituar, siç bëra në Europë”, u shpreh Benzema.
