Kalidou Koulibaly ka folur për aventurën e tij të re teksa është prezantuar si futbollist i Al-Hilal. Ai do të paguhet plot 30 milionë euro në vit.
Lojtari i njohur ka folur për “Corriere dello Sport” duke shpjeguar se sa i vështirë ishte vendimi për të. Në një intervistë të dhënë për median italiane, Koulibaly ka thënë:
“E kam zgjedhur skuadrën më të mirë të kampionatit arab. Jam i lumtur sepse si mysliman kam ardhur në vendin e duhur.
Dhe, jam entuziast të jem njëri prej të parëve që do ta përqafoj një kampionat në zhvillim, shpresoj që ta ndihmoj Arabinë Saudite dhe Al-Hilalin që ta shkruajë një histori të re sportive. Gjithashtu, është një kontratë mjaft e rëndësishme.
Gjithashtu, mund ta ndihmoj familjen time të jetojë më mirë, duke i përfshirë këtu vëllezërit e motrat, të afërmit, e mbi të gjitha që t’i mbështes aktivitetet sociale të asociacionit tim ‘Capitane du Coeur’ në Senegal”, përfundoi ai.
Lexo gjithashtu
