Skuadra e Juventusit ka mposhtur Krotonen me rezultatin 3-0 me gola të shënuar nga Manxhukiç, Dibala dhe Aleks Sandro. Bardhezinjtë e Italisë pas kësaj fitoreje shpallen matematikisht kampionë të Italisë, teksa ka mbetur edhe një ndeshje nga fundi i sezonit.
Ky është titulli i gjashtë radhazi për “Zonjën e Vjetër”, e cila në këtë sezon synon të fitojë tripletën. Deri më tani kanë fituar Kupën e Italisë dhe sot titullin kampion, ndërsa më 3 qershor do të luajë finalen e Champions League kundër Real Madrid.