Leo Messi vendosi të mos rinovojë kontratën me klubin e Paris Saint Germain që i skadon këtë verë duke dal kështu një lojtarë i lirë në merkaton e verës. Por Messi me sa duket nuk do të jetë i larguari i vetëm në verë. Sipas asaj që raportojnë mediat franceze, parizienët kanë nxjerrë në shitje dy yjet e klubit. Neymar dhe Verrati nuk duan të qëndrojnë më në Paris. Pas incidenteve fatkeqe që ndodhën me ultrasit, me më shumë se njëqind tubime në portat e shtëpisë së tij, Neymar nuk dëshiron të qëndroi. Ish-lojtari i Barcelonës do të dëgjojë ofertat gjatë verës, ku Anglia është destinacioni i preferuar i lojtarit.
Ashtu si Neymar, Verratti ishte një nga ata që u vunë në dukje nga ultrasit në incidentet fatkeqe që ndodhën para selisë së klubit më 3 maj. Pas më shumë se një dekade në Paris, mesfushori po rimendon të ardhmen e tij në kryeqytetin francez. I vetëdijshëm se duhet një ndryshim “peizazhi”, pasi ka përjetuar të gjitha fatkeqësitë e brendshme që kanë rrethuar klubin. Mund të jetë vendimi më i dobishëm për të dyja palët. Sipas raportimeve Al-Hilal do të ishte e gatshme t’i ofronte më shumë se 60 milionë euro neto në sezon.
Lexo gjithashtu
