Ballkani do të luajë nesër kundër Slavias së Pragës, ndeshje e vlefshme për fazën e grupeve të Conference League.
Para këtij takimi të rëndësishëm, ka dalë në konferencën e zakonshme për shtyp trajneri Ilir Daja. Veç të tjerash, tekniku kryeqytetas u ndal te shtyrja e sfidës me Prishtinën. Bardhekaltërit patën pretendime për vendimin e Komisionit të Garave në Kosovë. Për këtë Daja tha:
“Gjëja më e rëndësishme që kemi arritur është që i kemi bërë krenarë gjithë tifozët, edhe ata të Prishtinës. Nuk e kemi kërkuar shtyerjen e ndeshjes për shkak të rezultatit. Ndeshja është shtyrë vetëm që këta lojtarë që i kanë bërë krenarë të giithë, të mos dëmtohen. Për 24 ditë kemi bërë 8 ndeshje. Kjo ka qenë arseyja”.
Sakaq mbështetja e tifozëve nuk ka munguar për kampionët e Kosovës. Dhe si për t’i vënë qershinë mbi tortë, tekniku kryeqytetas u shpreh: “Në çdo ndeshje e kemi ndjerë përkrahjen e gjithë Kosovës. Jemi bërë si një kombëtare e dytë e shqiptarëve”.
Ndeshja Ballkani – Slavia e Pragës është programuar të luhet nesër në orën 21:00 në stadiumin “Fadil Vokrri”.
Lexo gjithashtu
