Këtë fundjavë luhen ndeshjet e radhës në Serie A. Federata Italiane e futbollit ka publikuar arbitrat që do gjykojnë ndeshjet në javën e 14-të.
Masimiliano Irrati do vejë ”drejtësinë” në sfidën që Interi luan në shtëpi, ndaj Spal. Juventus-Sassuolo do arbitrohet nga Federico La Penna ndërsa për Parma-Milan, gjyqytar është caktuar Paolo Valeri. Marco Guidas i është besuar ndeshja mes Veronës dhe Romës kurse arbitër kryesor në ndeshjen Lazio-Udinese do jetë Marco Di Bello. Daniele Doveri do ketë një punë mjaft të vështirë në ndeshjen Brescia-Atalanta. Gianluca Aureliano është ai që do gjykojë Cagliari-Sampdoria.
