Milani ka mposhtur Napolin në ndeshjen e zhvilluar mbrëmjen e sotme e cila ishte e vlefshme për javën e 24-të të Serie A. Sfida që u zhvillua në stadiumin “San Siro”, përfundoi me fitoren minimale 1-0 të vendasve. Golin e vetëm të kësaj sfide e shënoi Theo Hernandez.
Teksa është pikërisht ky i fundit që ka folur para mediave pas fitores. Francezi shprehet shumë i lumtur për triumfin ndaj Napolit. Përsa i përket titullit kampion, Theo thotë që po mendojnë vetëm për sfidën e radhës në Europa League përballë Rennes.
“Jam shumë i lumtur për fitoren. E dinim se do ishte ndeshje e vështirë, sepse Napoli është një ekip i tillë. Ne punuam shumë dhe kjo është arsyeja pse fituam. Ne po vazhdojmë të bëjmë punën tonë. Përsa i përket Scudettos, presim. Kur të vijë ndeshja kundër Interit do të punojmë për ta fituar, tani mendojmë për të ndeshjen e së enjtes përballë Rennes”, është shprehur Theo Hernandez.
Lexo gjithashtu
