Ja kush mund ta zëvendësojë Ansi Agollin në Kombëtare

Ansi Agolli është padyshim një nga lojtarët më të rëndësishëm në Kombëtaren kuqezi, ku prej gati një dekade është “instaluar” në krahun e majtë të mbrojtjes. Paraqitjet e tij vijojnë të jenë pozitive, pavarësisht moshës së tij, 33 vjeç.

Megjithatë, trajneri De Biazi duhet të bëjë llogaritë për të gjetur zëvendësuesin e tij në momentin që Agolli do të vendosë të largohet nga Kombëtarja. Aktualisht janë 4 emra që mund të jenë pasuesit e mbrojtësit të Karabakut, pa përmendur Naser Alijin.

Bëhet fjalë për Hysen Memollën, 24 vjeçarin që aktivizohet me Hajdukun e Splitit, Aleksandër Kuron (22 vjeç) që luan për Atromitros, Bashkim Kadrin (25 vjeç) i cili aktivizohet me Kopenhagenin dhe Besir Demirin (22 vjeç) që luan me Shkëndijën e Tetovës.