Presidenti i Federatës Shqiptare të Futbollit Armando Duka, në një pronocim për newsport.al menjëherë pas mbërritjes së ekipit në Perros Guirec, sqaron se nuk ka pasur asgjë për t’u shqetësuar në lidhje me uljen e detyruar të avionit.
“Jemi në hotelin tonë. Askush nga ne në avion, as nga djemtë, nuk u shqetësuam. Sepse me thënë të drejtën s’u kuptua fare. Pastaj, ne jemi shqiponja apo jo (qesh)” thotë jo pa nota humori presidenti Duka lidhur me incidentin e ndodhur me avionin.
Për shkak të motit të keq, avioni që transporton kombëtaren shqiptare në Perros Guirec u ul në një aeroport tjetër aty afër dhe më vonë lojtarët me autobus shkuan në hotelin e tyre.
