Mbrojtësi i Shqipërisë, Ivan Balliu, përmbylli një sezon shumë të suksesshëm me fanellën e Rayo Vallecano, duke qenë një ndër më të mirë për ekipin spanjoll, që militon në La Liga.
30-vjeçari, që ka qenë pjesë e Almeria dhe Metz në të shkuarën, luajti 34 ndeshje në La Liga për ekipin e Rayo Vallecano, duke shënuar një gol dhe duke asistuar 2 të tjerë. Pas përfundimit të sezonit të suksesshëm, Ivan Balliu ka pasur dhe një mesazh për tifozët e ekipit të tij.
“Çfarë sezoni fantastik që ishte! Kam një falënderim për të gjithë ju që më bëtë të ndihem i veçantë. Ju meritoni çdo sukses, le të provojmë për më shumë”, shkroi Balliu.
Loading ...
