Faruk Sejdini është i ftuar në emisionin "Procesi Sportiv" në Top-Channel. Ish-trajneri i njohur i disa skuadrave të Superligës ka rrëfyer një histori interesante.
"Nuk më bëjnë shumë çudi tani këto thashethemet për lënie ndeshjesh apo tolerime si i thonë. Mbaj mend, 30 vite më parë toleroheshin ndeshje në bazë të simpatisë që mund të kishin trajnerët me njëri-tjetrin, apo edhe për ndonjë birrë që jepte ai i Komitetit të Partisë.
Më kujtohet në kohën kur unë isha zv.trajner i Dinamos, si ndihmës i Fatmir Frashërit dhe na duhej fitorja në sfidën e fundit të kampionatit dhe me sa mbaj mend na duhej edhe me golavarazh.
Më duket se ka qenë diku nga viti 1984 ose '85 dhe luanim në Gjirokastër me Luftëtarit. Kur u nisëm morëm edhe ca fanella shtesë të Dinamos dhe ua dhamë ekipit vendas. Në fund fituam 3-0. Kur shkova në shpi pasi u kthyem nga Gjirokastra thashë me vete: Epo çudi të fitosh kampionatin me 20 fanella (qesh)", tha ish-trajneri Faruk Sejdini në "Procesin Sportiv".
[caption id="attachment_63648" align="alignnone" width="613"]
Faruk Sejdini[/caption]
Lexo gjithashtu
