Sabien Lilaj është stërvitur ditën e djeshme me Tiranën, në përpjekje për të ruajtur formën e tij fizike në prag të sfidës së Kombëtares kundër Izraelit. Kjo pasi ekipi i drejtuar nga Panuçi nuk e ka nisur ende grumbullimin për ndeshjen e 7 shtatorit në “Elbasan Arena”, por mesa duket futbollisti tashmë i Gabala-s në Azerbajxhan ka mbërritur në atdhe pak më herët.
Në këtë mënyrë Lilaj ka menduar të “rikthehet” për pak kohë aty ku u formua si futbollist, për të kujtuar kështu dhe kohët e vjetra. Ish-lojtari i Skënderbeut e ka zhvilluar seancën të plotë së bashku me pjesën tjetër të skuadrës bardheblu, ndërkohë që mësohet se ai i ra shumë në sy trajnerit të Tiranës Ze Maria.
Loading ...
