Ish-kapiteni i Skënderbeut, Shkëmbi ulet në stol para sfidës kundër Partizanit

“Më mungon shumë stoli”. Kështu është shprehur Bledi Shkëmbi në lidhjen “live” për Supersport para takimit Skënderbeu-Partizani, ndërsa ishte ulur për të komentuar prag-sfidën së bashku me gazetarin Alban Xhihani.

Të dy të mbuluar me batanije, ish-kapiteni i korçarëve tha: “Vetëm të mbështjellë në këtë mënyrë mund t’i bëjmë ballë të ftohtit në Korçë. Mendoj se do të fitojë Skënderbeu, sepse nuk i lejohet barazimi kundër Partizanit. Është një ndeshje e gjitha për t’u shijuar”, deklaroi Shkëmbi për Supersport.