Partizani luan me Bylisin për javën e tretë të Abissnet Superiore të dielën në Ballsh në orën 15:00. Së fundmi ekipi nga kryeqyteti ka nënshkruar me 19 vjeçarin Marcelino Preka i cili vjen nga ekipi ballshiot. Debutimi i mbrojtësit të ri me fanellën e Partizanit pritet të jetë pikërisht ndaj ish-ekipit të tij.
Marcelino Preka ishte titullar në dy sfidat e para për Bylis kundër Teutës dhe Kastriotit dhe deri ditën e djeshme ishte pjesë e stërvitjes me Bylis duke u përgatitur për ndeshjen kundër Partizanit. Për ironi të fatit, ditën e dielë, lojtari do të luajë me fanellën e ekipit që u përgatit të mposhtë kundër ekipit për të cilin luftonte.
Preka është prodhim i akademisë KF Shkodra dhe në futbollin profesionist ka debutuar me Bylisin në sezoni 2020-2021. 19-vjeçari shihet si zëvëndësuesi i të larguarit Belica dhe sëbashku me Bitrin pritet të marrin në dorë çelsat e mbrojtjes së Partizanit.
Lexo gjithashtu
