Interi ia doli mbrëmjen e djeshme të mposhte minimalisht në derbi Milan. Goli i Lautaro Martinez do të ishte vendimtarë në këtë duel mjaf ttë luftuar, ku emocionet nuk munguan.
Pas këtij triumfi spektakolar, Simone Inzaghi do të theksonte se është shumë i lumtur dhe se Lautaro është lideri i kësaj skuadre.
“Ata ishin të përqëndruar, të vëmendshëm, ne dominuam në çdo moment. Të fitosh dy derbi në 20 ditë është një kënaqësi e madhe, tani le të vazhdojmë përpara me besim, le të provojmë për të kompesuar sa më parë Lukakun dhe Brozovic, të cilët na kanë munguar prej kohësh.
Lautaro? Që nga janari i vitit të kaluar ai luan në nivele të bujshme, botërore, ai ka një performancë të jashtëzakonshme. Ai e meriton është lider, por nuk duhet të harrojmë të tjerët. Është një kënaqësi e madhe të shoh djemtë të bëjnë këto performanca të mrekullueshme.
Ultrasit zikaltër? Nuk kisha dyshime se tifozët tanë do të na jepnin një dorë për të vazhduar përpara, sepse “Curva Nord” është gjithmonë me ne. I gjithë stadiumi ishte një forcë e madhe lëvizëse për ekipin, ata na shoqëruan nga fillimi në fund. Ata janë të mrekullueshëm”, ka deklaruar timonieri i zikaltërve.
Lexo gjithashtu
