
Kapiteni i Barcelonës, Sergi Roberto, mund të bashkohet me ish-kapitenët e tjerë katalanas Lionel Messi, Sergio Busquets dhe Jordi Alba në MLS sezonin e ardhshëm.
Mesfushori ka të ngjarë t'i japë fund marrëdhënies së tij 17-vjeçare me gjigantët katalanas në verën e vitit 2024 pas skadimit të kontratës së tij me klubin. Roberto është lidhur me një lëvizje në SHBA për të ndjekur gjurmët e ish-bashkëlojtarëve të Barcelonës, Lionel Messi, Sergio Busquets dhe Jordi Alba, sipas Mundo Deportivo.
Spanjolli 32 vjeçar ka pasur minuta të kufizuara nën drejtimin e Xavi këtë sezon duke luajtur vetëm 6 ndeshje në të gjitha garat deri më tani e vetë 2 herë si titullar. Kapiteni i Barcelonës flet rrjedhshëm anglisht, gjë që do ta ndihmojë në përshtatjen në SHBA.