Inter ‘i vjedh’ sponsorin Juventusit e Milanit, do të fitojë 20 milionë euro në sezon

Është çështje orësh por tani nuk ka më dyshime. “Socios.com” do të jetë sponsori kryesor i Interit.

Pas 26 vitesh, zikaltërit i dhanë lamtumirën “Pirelli”, duke zyrtarizuar marrëveshjen me aplikacionin shumëkombësh kushtuar tifozëve dhe bazuar në Blockchain, tashmë një partner në Itali me Juventusin dhe Milanin.

Nga marrëveshja, Inter do përfitojë 20 milionë euro në sezon, Debutimi në fanellat e klubit kampion të italisë do të bëhet në Shtetet e Bashkuara të Amerikës përballë Arsenalit.

Çuditërisht edhe Topçinjtë kanë njoftuar një marrëveshje sponsorizimi me të njëjtin aplikacion.