Mediat austriake kanë injoruar stërvitjen e Kukësit, ndërsa nuk janë vendosur në fushë për të filmuar pamje nga stërvitja, madje kanë munguar edhe gazetarët për të pyetur stafin teknik. Kjo gjë ka lënë të habitur verilindorët, të cilët përgjigjen e kanë marrë nga fotoreporterët, të cilët kanë shprehur se mediat vendëse e konsiderojnë të mbyllur takimin.
Por, verilindorët duan të suprizojnë austriakët, pasi kanë bindje te suksesi. Këtë e shpreh edhe zëdhënësi për shtyp i Kukësit, Jonuz Hallaçi, i cili për mediat shprehet: “Jemi për herë të katërt në Europa League dhe kjo është për meritat tona. Sot jemi në Vienë dhe pa paragjykuar vendet ku kemi luajtur, unë shpreh vlerësim maksimal për atë që ka dhënë skuadra. Me këto përfaqësime dinjitoze Kukësi ka ngritur lartë flamurin e tij dhe atë të Shqipërisë”, përfundoi Hallaçi.
