Idi Batha e bën “sefte” në Rumani me skuadrën e UTA Arad. Mesfushori u largua nga Tirana gjatë kësaj merkato për të firmosur në kampionatin rumun dhe ka arritur menjëherë të lërë gjurmë. Në këto momente, UTA Arad është duke luajtur një ndeshje miqësore ndaj Aluminij dhe pjesë e parë është mbyllur me fitoren 2-1 për skuadrën rumune.
Goli i parë u shënua me penallti dhe Aluminij kaloi në avantazh, por UTA Arad reagoi duke barazuar me Miculescu në minutën e 23-të, ndërsa në të 38-të, ishte Batha që shënoi golin e avantazhit duke bërë që pjesa e parë të mbyllej me fitoren 2-1 për UTA Arad. Ky ishte goli i parë për Bathën me skuadrën e re edhe pse në ndeshje miqësore.
Loading ...
