Sulmuesi suedez, Zlatan Ibrahimovic u rikthye pas shumë vitesh te Milan. Në mërkaton e janarit, shtatëlarti vendosi t’i bashkohej sërish kuqezinjve për gjashtë muaj, me të drejtë rinovimi edhe për një vit. Sipas mediave italiane, situata e krijuar nga Covid-19 dhe shtyrja e kampionatit, kanë bërë që Ibra të mendojë seriozisht për t’i dhënë fund karrierës.
Në këto kushte, Milan po mendon për një zëvendëues të denjë. Drejtuesit e “Djallit” kanë hedhur vështrimin në Napoli, teksa polaku Milik është në shënjestër. Sulmuesi është lojtari ideal për të zëvendësuar Ibrahimovic, ndërsa prej vitesh tanimë është ambientuar me Serie A.
Loading ...
