Edison Cavani do të largohet në fund të sezonit nga PSG-ja. Sulmuesi uruguajian është në fund të kontratës së tij me klubin parizien dhe ka vendosur të mos rinovojë kontratën e tij.
Ofertat për lojtarin nuk kanë munguar dhe Atletiko Madrid është një nga ekipet e interesuar për shërbimet e tij. Simeone e dëshiron në skuadër dhe është gati të plotësojë kërkesat e tij.
Por, jo vetëm klubi madrile, për Cavanin ka edhe një interesim të fortë nga Al Duhail që e dëshiron lojtarin në skuadër. Do të jetë vetë sulmuesi që do vendos nëse do të mbyll aventurën e tij në Europë apo do të qendrojë sërish.
