Fitorja e Ballkanit kundër Sivasporit, në kuadër të fazës së grupeve në Conference League nuk vlen vetëm për prestigj, por edhe për arkat e klubit. Nga fitorja 4-3 kundër Turqve, skuadra nga Suhareka përfiton plot 500 mijë euro.
Një shifër e majme kjo për kampionët e Superligës së Kosovës që në këtë sezon futbollistik, duket se nuk do ta diskutojnë titullin. Pjesëmarrja në këtë kompeticion falë një pune fantastike nga trajneri Ilir Daja ka mbushur ndjeshëm arkën e klubit.
Skuadra shqiptare ka përfituar plot 2.94 milionë euro nga kualifikimi në fazën e grupeve. 166 mijë euro i ka marrë për barazimin me Cluj, kurse sonte 500 mijë euro për triumfin e jashtëzakonshëm me Sivaspor.
Deri më tani, në total Ballkani ka përfituar plot 3.6 milion euro. Në rast të kalimit të grupit, atëherë shifrat do të dyfishohen për këtë ekip të mrekullueshëm të krijuar nga Ilir Daja.
Lexo gjithashtu
