Pothuajse të gjithë lojtarët janë bashkuar me skuadrat e tyre, pas aktivizimit që kishin me Kombëtaret. Ditën e djeshme te Napoli me pjesën tjetër të grupit është bashkuar Hysaj, Luperto e Mario Rui. Fundjava është shumë pranë dhe kampionati rifillon përsëri. Në lidhje me këtë situatë, tekniku Carlo Ançelotti sot pasdite do të ketë një grumbullim me ekipin e tij ku do të flasë për situatën që qarkullon te të kaltërit.
Sikurse raporton "Tuttomercato", "Don Carlo" do të mbajë një fjalim me futbollistët e tij, ku ndër të tjera do të shprehet se është vetëm fillimi i sezonit dhe duhet t'i marrin gjërat me qetësi dhe pa presion. Ditën e shtunë nënkampionët e Italisë do të presin në shtepi Fiorentinën, skuadrën që vitin e kaluar humbën në transfertë, duke u larguar përfundimisht nga ëndrra për titull, sepse ishin shumë pranë, por në fund iu dorëzuan presionit të Juventusit.
Lexo gjithashtu
