Luftëtari humbi 3-0 ndaj Skënderbeut dje në Korçë, në sfidën e vlefshme për javën e 22-të të Superligës.
Skuadra gjirokastrite, edhe pse zhvilloi një ndeshje shumë pozitive dhe luajti si e barabartë me ekipin kampion të Shqipërisë, sërish nuk mundi të shmangte disfatën.
Gjithsesi, në kampin bluzi janë optimistë se takimi i radhës në kampionat, ai kundër Laçit do të jetë krejt ndryshe.
Përmes një njoftimi në faqen zyrtare të klubit të Luftëtarit në Facebook mësohet se për ndeshjen kundër kurbinasve që do të luhet në Gjirokastër, hyrja për tifozët do të jetë falas.
Poll
Lexo gjithashtu
