Inter me shumë gjasa është tërhequr përfundimisht nga dëshira për të nënshkruar Paulo Dybalan me parametra zero. Është CEO i Inter Beppe Marota që ka thyer heshtjen së fundmi.
“Ka kaluar ca kohë që po flitet për Dybalan dhe dua të sqaroj çfarë po ndodh. Ai është lojtar i lirë, dhe për herë të parë prej kohësh, shumë lojtarë me kualitet kanë mbetur pa skuadër.
Është shenjë që futbolli po ndryshon. Dybala ishte mundësi për ne, por për momentin jemi mirë siç jemi”. Tashmë drita jeshile është hapur për Milanin, që të arrijë transferimin e bujshëm në “San Siro”.
