Idi Batha është surprizuar nga Granit Xhaka. Është vetë ish mesfushori i Partizanit dhe i Tiranës që tregon dhuratën që ka marrë nga lojtari shqiptar i Arsenalit. Një fanelë të Xhakës me ngjyrat e “Topçinjve” me siguri do ta donin të gjithë.
Por, këtë luks dhe kënaqësi e ka së fundmi Batha. Ai ka bërë një postim në rrjetet sociale ku tregon se në shtëpi i ka mbërritur fanela e kapitenit të Arsenal. Falënderimi për të nuk mungon, teksa 30-vjeçari shkruan: “Faleminderit Granit Xhaka”.
Kujtojmë që aktualisht Batha është pjesë e Uta Arad në kampionatin rumun. Ndërsa Graniti po shkëlqen dhe ka shkruar emrin me të arta në historinë e Premier League.
