Vetëm dy javë më parë Alvaro Morata njoftoi ndarjen nga bashkëshortja 31-vjeçarja Alice Campellos. Sulmuesi spanjoll përmes një Instastory njoftoi se kanë vendosur t’i japin fund martesës së tyre disa vjeçare. Por burime nga çifti tregojnë se fjala e fudndit mes Alvaro Moratas dhe Alice Campellos nuk është thënë akoma. Mesa duket njoftimi i futbollistit për ndarjen ka qenë i “ngutshëm”.

Ata vazhdojnë të flasin çdo ditë, ndërsa revista spanjolle ‘Hola!’ kontaktoi disa persona nga rrethi i sipërmarrëses italiane dhe mesa duket situata mes të dyve është përmirësuar ditët e fundit.

“Gjithçka është më e qetë, ata flasin çdo ditë dhe pozicionet e tyre po afrohen më shumë. Prioriteti i tyre janë katër fëmijët e tyre. Të dy janë shumë të rinj dhe tani, nga larg, shohin gjithçka më qartë dhe kuptojnë njëri-tjetrin pak më shumë”.

Alice megjithatë ka vendosur të qëndrojë në Madrid për të mos destabilizuar fëmijët sepse “ajo dëshiron qetësi”.

Distanca mes çiftit, Alice në Spanjë, Morata në Milano mund të jetë e rëndësishme për të vlerësuar martesën dhe për të kuptuar se çfarë ndodhi.

Mes arsyeve që çuan në ndarjen e tyre pas tetë vitesh martesë, duket se ka qenë edhe refuzimi i Alice Campello-s për t’u zhvendosur në Itali dhe për të filluar atje gjithçka nga fillimi. Ndërsa tradhëtia, është mohuar nga të dyja palët.

Përveç tradhtive të supozuara, ditët e fundit temë diskutimi ka qenë edhe prania e Moratas në Raya, aplikacioni ekskluziv i takimeve që përdoret gjerësisht nga të famshmit.