Një lajm i papritur vjen nga Alvaro Morata. Sulmuesi spanjoll para pak orësh ka njoftuar ndarjen nga bashkëshortja.
Nëpërmjet një postimi në “Insta-Story”, kapiteni i Spanjës ka njoftuar se me Alice kanë vendosur t’i japin fund martesës së tyre disa vjeçare. 31-vjeçari dhe influencja amerikane kanë sëbashku 4 fëmijë.
“Pas një kohe reflektimi, unë dhe Alice kemi marrë vendimin të ndajmë rrugët tona. Një marrëdhënie e mrekullueshme respekti reciprok ku e kemi dashur dhe e kemi ndihmuar shumë njëri-tjetrin. Kanë qenë vite të mrekullueshme dhe rezultati i tyre janë katër fëmijët tanë, të cilët janë padyshim gjëja më e mirë që kemi bërë ndonjëherë.
Është një vendim i dhimbshëm ndaj kërkojmë respekt dhe ndjeshmëri. Alice do të ketë gjithmonë një vend të veçantë në zemrën time dhe gjithçka që kemi përjetuar së bashku ka qenë e pabesueshme dhe një përvojë e shkëlqyer mësimi”, ka shkruar Morata, i cili vetëm pak ditë më parë u transferua te Milan.
31 vjeçari dhe Alice Campello u takuan në vitin 2016 kur futbollisti luante për Juventusin dhe u martuan, më 17 qershor 2017 në Venecia.
Lexo gjithashtu
