Gazetari i njohur Gjergji Stefa ka analizuar humbjen e Kombëtares 0-1 nga Polonia dy ditë më parë. I ftuar në emisionin “Skaner”, Stefa ka kritikuar hapur Rey Manajn për rastin e humbur në këtë ndeshje, por edhe lojën që ka zhvilluar në Kombëtare gjatë gjithë kohës. Ai theksoi se sulmuesi lushnjar luan në mënyrë absurde, madje guxon dhe mban numri 10 mbi shpinë.
“Kemi bërë një ligj para 2 viteve, se çdo tifoz që hedh sende, do marrin dënime shembullore. Ngjarje të tilla ka ndodhur edhe në vende shumë më të mëdha dhe të moderuar se ne. Situata të tilla në ndeshje të caktuara shihen në stadiume të shumtë. Tifozi kundër policit, është një luftë që gjithmonë e fiton tifozi.
Humbja ndaj Polonisë? Për hir të së vërtetës, pritshmëritë nuk i kam pasur të mëdha. Pas ndeshjes me Izraelin në 2017, mua ekipi Kombëtar nuk më ka pëlqyer. Raste të tilla të vijnë rrallë. Manaj përveç se luan prej vitesh në mënyrë absurde, guxon dhe mban edhe numrin 10 mbi shpinë, që është shumë i rëndë për të”, tha Stefa.
Loading ...
