Barcelona po mbyll një sezon shumë të vështirë. Katalanasit patën disa ulje-ngritje, megjithatë në kampionat arritën ta mbyllnin si nënkampion që mund të konsiderohet sukses në mënyrën si shkuan gjërat. Ndërsa në skenën europiane, Barça ishte katastrofë pasi u eleminua fillimisht nga Champions League dhe më pas nga Europa League në mënyrën më të keqe.
Me ardhjen e Xavit në krye të pankinës, gjërat duken se kanë dhe do ndryshojnë më shumë. Ai ka komunikuar se është i gatshëm të ndërtojë një Barcelonë konkurruese për trofe sezonin e ardhshëm. Për këtë duhen afruar dhe larguar disa lojtarë që nuk bëjnë pjesë në planet e tij.
Afrimet e dëshiruara janë lojtarë si Lewandowski, Kessie etj. Ndërsa emrat që pritet të largohen janë 4. Oscar Mingueza, Riqui Puig, Samuel Umtiti dhe Martin Braithwaite nuk bëjnë pjesë në planet e teknikut spanjoll.
Loading ...
