Brenda këtyre kohëve janë larguar nga kjo jetë shumë sportistë në moshë fare të re. Rasti i rëndë vjen nga Franca. Futbollisti 19-vjeçar William Gomis i skuadrës së dytë të Saint-Etienne është qëlluar për vdekje nga persona të panjohur me kallashnikov. Ndaj dhe një djaloshi 14-vjeçar janë shkrepur 23 plumba. Lajmin e kobshëm e ka dhënë klubi francez i cili ka shprehur pikëllimin dhe dhimbjen për ndarjen nga jeta në mënyrën më brutale të Gomis. "I vlerësuar nga shokët e tij dhe trajnerët për cilësitë njerëzore, futbollisti i ri që do të mbushte 20 vjeç në dhjetor, është stërvitur në këtë skuadër që kur mbërriti në moshën 15-vjeçare. Vetëm 19 vjeç. Kjo është e dhimbshme. Ngushëllime për familjen  e William Gomis", shkruhet në komunikatën zyrtare të klubit francez. Djaloshi i ndjerë ka një lidhje të largët me sulmuesin e njohur francez Bafetimbi Gomis. William pritej që të realizonte shumë shpejt në Ligue 1 (kampionati francez).

William Gomis