Gledi Mici ka postuar në instagramin e tij një foto me Mario Morinën, teksa po udhëtojnë me makinë. Menjëherë pas postimit të kësaj fotoje ka reaguar një tifoz i Kukësit, i cili e akuzon atë për një "tradhti" të tij kundrejt skuadrës verilindore.
" Pse ike o Gledi Mici nga Kukësi? Turp të të vij. Ke qenë idhulli ynë", i shkruan tifozi në koment te fotoja e postuar nga Mici.
I menjëhershëm ka qenë edhe reagimi i mbrojtësit të majtë, i cili tregon që akuza e tifozit është e padrejtë pasi ai thjesht po ikën me pushime.
" Kam ik me pushime o boksole, mos m'trego turpin", i kundërpërgjigjet ashpër Gledi Mici.
Për mbrojtësin e majtë të Kukësit, po flitet për një largim nga verilindorët, në drejtim të një skuadre tjetër të Superiores. Megjithatë të gjitha këto mbeten në kuadrin e fjalëve, pasi asgjë nuk është e sigurtë.
Ndoshta Mici do të vazhdojë të jetë pjesë e Kukësit dhe për një sezon, pasi trajneri i ri, Gjoka ka punuar edhe më parë me 25-vjeçarin dhe mund të këmbngulë që mëngjërashi të jetë përsëri nën urdhrat e tij.
[gallery columns="1" size="full" ids="19788"]
Lexo gjithashtu
