Teuta kërkon ta mbyll me fitore vitin 2018 në ndeshjen e së shtunës ndaj Laçit. Ditën e diel mbyllet faza e dytë e sezonit 2018/2019 dhe në rast fitoreje të durrsakëve, ata shpallen “nënkampionë të dimrit”.
Ndaj kurbinasve të rrezikshëm, klubi u ka bërë thirrje tifozëve që të mbushin shkallët e stadiumit “Niko Dovana” për të dhënë mbështejte maksimale për “djemtë e detit”. Mesazhi u është dërguar tifozëve në Facebook.
“Të shtunen të gjithë tifozet duhet të jenë në stadium në orën 17:00, ku do të zhvillojmë ndeshjen e fundit për këtët vit kundër KF Laçit.
ME ‘Djemtë e Detit’ TË FORTË, DO TA KEMI EDHE NJË TEUTË ENDE MË TË FORTË !!!”
Postimi i Teutës
Laçi arriti të mposhte Tiranën javën e kaluar dhe kanë një arsye të fortë për të shkaktuar suprizë në Durrës këtë të shtunë, një gjë që klubi i Bledi Shkëmbit duhet ta evitojë.