Foto/ “Sekreti” i Alban Hoxhës, e mbante fshehur në trup

Alban Hoxha ishte padyshim heroi i ndeshjes për Partizanin mbrëmjen e kaluar. 28-vjeçari i portës së kuqe arriti të shënonte një penallti dhe të priste plot tre të tilla. Por pas ndeshjes, lojtarët e kanë vazhduar festën edhe në dhomat e zhveshjes. Në një foto të postuar në facebook nga lojtarët e Partizanit shihet edhe portieri Hoxha, që ashtu si të tjerët po feston për kualifikimin historik. Por përpos kësaj bie në sy edhe një tatoo që Hoxha ka në pjesën abdominale në të djathtë të tij. Nuk dihet se kush është personi që “gardiani” i Partizanit ka vendosur ta ketë përgjithnjë në trupin e tij, por në pamje të parë duket një femër.

Megjithatë nuk mund të aludojmë më shumë, pasi është vetë Hoxha që e di më së miri këtë “sekret”, tashmë të zbuluar në trupin e tij.