Foto/ Mici “harron” merkaton, zbuloni vendodhjen e tij

Të gjithë flasin për Gledi Micin, por lojtari duket që po shijon pushimet e tij verore, pa e pasur mendjen te zërat e merkatos. Mbrojtësi i majtë i Kukësit ka postuar një foto në profilin e tij në Instagram ku duket në shoqëri të mirë, me Mario Morinën dhe Gjergji Muzakën.
Mici dhe Morina janë lojtarë të Kukësit, ndërsa Muzaka është pjesë e bardhebluve të Tiranës. Ky i fundit nuk ka udhëtuar me skuadrën e tij në Serbi, pasi ka disa kohë që vuan nga një dëmtim. Siç duket të tre lojtarët e Superiores kanë zgjedhur ta kalojnë ditën nën shoqërinë e njëri-tjetrit, pavarësisht që nuk përfaqësojnë të njëjtat ngjyra në fushën e blertë.