Sulmuesit të Partizanit, Stenio Junior, i skadon kontrata në përfundim të këtij sezoni dhe rinovimi i tij me klubin e kuq duket shumë larg. 30-vjeçari ka kaluar 18 muaj në kampin e kuq dhe duket se aventura e tij do të përfundojë.
Flitet se sulmuesi brazilian do të largohet drejt Arabisë Saudite, aty ku i është ofruar një kontratë shumë e kënaqshme. Stenio ka luajtur 59 ndeshje me Partizanin, ku ka shënuar 25 gola dhe ka asistuar 9 të tjerë. 30-vjeçari po vazhdon të stërvitet intesivisht për pjesën e mbetur të sezonit, ku përveç seancave me ekipin, po kryen edhe stërvitje individuale.
LEXO EDHE: Ka refuzuar rinovimin, bomberi i PARTIZANIT drejt Arabisë Saudite
Pikërisht nga ambientet e palestrës, Junior ka publikuar një foto në rrjete sociale, ku nuk ka ngurruar të japë edhe një mesazh. “Gjithmonë bëji gjërat vetëm për veten tënde”, shkruan Junior. Me kontratën që i skadon, duket se Junior po mendon vetëm për veten e tij tashmë.
Loading ...
