Elhan Kastrati është një emër i njohur në futbollin shqiptar. Ish-portieri i Teutës u cilësua si e ardhmja e katërkëndëshit të blertë. Cilësitë e tij e çuan jashtë Shqipërisë duke u transferuar te Pescara. Në klubin italian ai nuk pati shumë hapësira dhe prej janarit të këtij viti është bërë pjesë e ekipit të Trapanit.
Nëse në fushë fati s’ka qenë në anën e tij, e njëjta gjë s’mund të thuhet për anën sentimentale. 23-vjeçari është më i dashuruar se kurrë dhe prej kohësh ndodhet në një marrëdhënie me një bukuroshe të quajtur Laura. Modelja italiane shfaqet gjithmonë në krah të shtatlartit kuksian, ndërsa së fundmi ai i ka dedikuar disa fjalë dashurie.
“Dashuria e jetës time”, shkruan Kastrati duke e shoqëruar me një foto me vajzën bukuroshe.
Lexo gjithashtu
